Parcours S2 | La distribution E10

Ki ou rol dan parcours enn prodwi Panagora? 

Kan mo ariv lor site Valentina vers 6hrs30 mo ena enn routine bien etabli. Mo bizin 15 minit pou check camion, gete si tou korek. De l’huile, delo, larou etc. Apre kan rant andan premie zafer bizin gete se tanperatir Box le matin ki a pe pre lor –20. Apre dan la zourne li pou diminye enkor. Si zame ena enn ti problem, nou atann ki tanperatir la revinn normal avan nou kit Valentina. Bann logistic officers zot byen sever lorla. Si bizin bross latet, zot brosser parksi li enn zafer bien kritik sa. Si misie la telefone, la ou kone zafer bien grav.  

Enn fwa noun verifie ki tou korek, tanperatir, prodwi dan box etc. nou fer nou routing normal. Li pa sanze normalement. Nou koumans touzour par bann gro klian kouma intermart etc. Kan noun fini lerla nou klass bann klian dan lord kot nou bizin ale. Aster si ena enn instruction particulier pou enn klian nou fer li. Parfwa ena bann prodwi kot livraison la pli konplike, par exemple la glace, sirtou kan pe fer bien so.  

 

 

Ki konpetans bizin ena pou fer sa travay la ? 

Bizin ena bookou patience ek ou bizin kontan sa ki ou pe fer. Et sa li parey pou tou travay. Si ou pa kontan ou travay plito ou pa vini. Si ou vini travay la bizin fer li bien. 

Travay la li dir akoz sa integration bann zeness la li important. Kom di koze, nou pa dompte zot kouma zot vini. En tan ki enn ancien ou fer enpe plis parski zot penkor habitie ek lavi travay la. Mo enkor rapel bann casual ki ti rantre, ena ki enkor rappel mwa ek panagora dan enn façon byen positif. Se lespri dekip ki importan kan ou fer sa metier la. Deza mo pa tousel. Nou a 3 membres lekipaz. Fer konfians dan travay li bien importan parski si lambians ant koleg bon, travay la vinn pli fasil.  

Apre mo pou dir ou enn zafer – Bizin konn mett klian dan sirop kou ma nou dir, li form parti travay la 😊 Ou bizin enn bon tirer plan si ou permett mwa lexpression. Sirtou si pe fer retard pou al kot enn lot klian. 

Par exemple kan nou pe livrer klian, li important ki nou gard enn bon relation avek bann manager ou storekeeper. An plas nou atann 1hr pou debark prodwi, nou pran zis 30 minutes. Zot laiss nou passer vit vit, pa perdi letan. Si ou korek, gard bon manier tou pou pass bien. Apre saki fer moi plezir se ki zot kone avek nou pena problem. Panagora garanti ou kalite. Meyer moment pou moi se kan ouvert la porte...Klian la mem pa bizin checker si prodwi, si temperatir la ti korek tousal. Zot kone, zot fer nou 100% konfians lor kalite nou prodwi. 

 

Ki ariv prodwi la apre livraison ? 

Dizon kan nou lekip fer livraison mo al kit palette la direk dan rayon avek bann merchandisers. Mo fer sa pou ki prodwi la pa ress dehor tro lontan. Bann merchandisers nek ena pou pran prodwi la ek mett zot lor rayon. 

 

Coming next : Wesley, notre merchandiser, nous explique son rôle dans le parcours d'un produit.

 

#Panagora #Helo #ANSAM